‘Yan sanda sun kama wani Gurgu bisa zargin garkuwa da mutane a Katsina

Rundunar ƴan sandan jihar Katsina ta cafke wani mutum mai larurar ƙafa, bisa zargin sa da hannu dumu-dumu wajen sace-sace da kuma yin garkuwa da mutane.

Mai magana da yawun ƴan sandan jihar SP. Gambo Isah, ne ya tabbatar da hakan yayin wani taron manema labarai a Katsina.

SP. Gambi Isah, yace gurgun ɗan asalin Kankiya mai suna Buhari Haruna, ɗan shekara 25, sun kama shi ne yayin da ya je karɓar kuɗin fansar da ya nema har miliyan biyu.

Tuni dai wanda ake zargin ya amsa laifin sa, yayin da rundunar ‘yansandan ke ci gaba da gudanar da bincike.