Yanzu yanzu: An haramta tashe a Kano

Rundunar ‘yan sandan jihar Kano ta bada umarnin haramta al’adar nan ta tashe da aka saba yi a duk lokacin azumin Ramadan a fadin jihar Kano.

Jami’in hulda da jama’a na rundunar DSP Abdullahi Haruna Kiyawa ne ya sanar da hakan a ranar talata.

Ya ce, rundunar ‘yan sandan ta dauki wannan matakin haramta ta’adar tashen ne da aka saba gudanarwa a duk ranar goma ga watan ramadan sakamakon fakewa da batagari ke yi wajen yin fadan daba.

Abdullahi Haruna Kiyawa ya kuma gargadi iyayen yara da su ja kunnen ‘ya’yansu domin kuwa duk wanda rundunar ta kama yana gudanar da al’adar tashe babu shakka rundunar za ta dauki mataki akansa.