Yanzu-Yanzu: Kotun kararrakin zabe a Kano ta tabbatar da Mukhtar Yarima a matsayin ‘dan Majalisar Tarauni

Kotun daukaka kara ta tabbatarwa dan majalisa mai wakiltar karamar hukumar Tarauni a zauren majalisar tarayya, Mukhtar Umar Yarima na jam’iyyar NNPP kujerar sa a Asabar.

A watan Agusta, kotun sauraron kararrakin zaben yan majalisar dokoki ta kasa da jiha dake Kano soke nasarar da Yarima ya samu a zaben da ya gabata , inda ta tabbatar wa hafizu Kawu na jam’iyyar APC kujerar.

Mai shari’a I.P. Chima wadda ta jagoranci zaman yanke hukuncin ta bayyana cewa Umar Yerima bai mika takardar shaidar kammala karatunsa ta jabu ga hukumar zabe ta kasa, INEC ba

Freedom Radio ta rawaito cewa kotun daukaka kara tace kotun sauraren kararrakin zaben ta gaza gabatar da gamsashiyar hujjar cewa dan majalisar ya mika takardun karatu na jabu.