Yanzu-yanzu: Shugaban EFCC ya faɗi a fadar shugaban ƙasa

Shugaban hukumar yaƙi da masu yiwa tattalin arziƙin ƙasa zagon ƙasa EFCC Abdulrasheed Bawa ya yanke jiki ya faɗi a fadar shugaban ƙasa.

Bawa ya faɗi lokacin da ya ke tsaka da gudanar da jawabi a wajen gudanar da bikin ranar katin shaidar ɗan Ƙasa.

Yana magana ne game da wani mutum da hukumar ta kama a Ibadan ta jihar Oyo, inda aka kama shi da layukan waya 116.

Rahotanni sun bayyana cewa an lura Bawa ya daina magana kuma nan take ya yanke jiki ya faɗi.

Ministan Sadarwa da tattalin arzikin Dakta Isa Ali Pantami, da wasu manyan jami’ai ne suka taimaka masa wurin ɗaga shi, kuma tuni aka garzaya da shi asibiti daga fadar shugaban kasa da ke Abuja