Yi hakuri kar ka sauya sheka daga PDP zuwa APC- Gwamnonin PDP ga Matawalle

Wasu gwamnonin jam’iyyar PDP guda shida sun roki takwaransu na jihar Zamfara Bello Muhammed Matawalle da ya ci gaba da zama a jam’iyyar ta PDP maimakon canja sheka zuwa APC.

Gwamnonin sun hada da: Seyi Makinde na jihar Oyo, Nyeson Wike na Rivers, Bala Abdulkadir Muhammed na jihar BAUCHI, Darius Ishaku na Taraba, Ahmadu Fintiri na jihar Adamawa da kuma Aminu Waziri Tambuwal na jihar Sokoto.

Gwamnonin na PDP dai sun kai ziyarar ce ga gwamna Matawalle a gidan gwamnatin jihar Zamfara da ke garin Gusau.

Da yak e jawabi yayin ganawa da gwamna Matawalle gwamnan jihar Rivers Nyeson Wike y ace bai san dalilin da ya sa ‘yan jam’iyyar APC ke zawarcin gwamnaonin PDP ba.

Saboda haka y ace akwai bukatar gwamnan ya yi watsi da bukatar APC na neman ya sauya sheka zuwa jam’iyyar.

Wannan na zuwa ne bayan wani makamancin wannan ziyara da gwamnonin jam’iyyar APC suka kai wa gwamna Matawalle.

Gwamnonin na APC sun hada da: Atiku Bagudu na Kebbi, Badaru Abubakar na Jigawa da kuma Mai Mala Bunin a jihar Yobe