Tsaro: Daurarru sun yi yunkurin tserewa daga gidan gyaran dali da ke Bauchi

Jami’an hukumar kula da gidan gyaran hali ta kasa da ke BAUCHI sun dakile wani yunkurin tserewa da wasu daurarru su ka yi a yau juma’a.

Rahotanni sun ce agajin gaggawa da jami’an tsaro da ke gadin gidan gyaran halin su kai, shi ya dakile yunkurin daurarrun na tserewa.

Shaidun gani da ido sun ce biyu daga cikin jami’an hukumar kula da gidan gyaran halin sun jikkata.

Al’ummomin da ke makwabtaka da gidan gyaran halin dai sun ce sun yi ta jin karar harbin bindiga wanda ya faru da misalin karfe goma sha biyu na rana, kafin sallar juma’a.

Mai magana da yawun hukumar kula da gidan gyaran halin a jihar BAUCHI Abubakar Algwallary, ya tabbatar da faruwar lamarin.