Za a fara dawo da ƴan Najeriya da suka yi hijira zuwa Nijar gida

Gwamnatin jihar Borno ta fara shirin dawo da ƴan jiharta da ke gudun hijira a jamhuriyyar Nijar.

Gwamnatin jihar ta aika da tawagar jami’anta zuwa garin Diffa, domin shirya tsarin da za a bi wajen fara jigilar ƴan gudun hijirar zuwa gida.

Yayin ziyarar Kwamishinan gina gidaje da sake tsugunar da ƴan gudun hijra na jihar Borno Injiniya Mustapha Gubio ya shaidawa Freedom Radio cewa nan bada jimawa ba aikin zai kankama.

Ya ce, “Tuni aka fara gyaran matsugunnan su wanda yanzu haka ana dab da kammalawa, sannan a fara mayar da su”.

Wani mazauni yankin da bai bayyana sunansa ba, ya ce, yayi farin ciki matuƙa da ganin an fara shirin mayar da su gida bayan da ya shafe shekara bakwai yana gudun hijira”.