Za a yi jana’izar Shiekh Dahiru Bauchi gobe Juma’a

A gobe  Juma’a ne ake sa ran za a gudanar da jana’izar marigayi Sheikh Dahiru Usman Bauchi, wanda ya rasu da Asubahin yau  Alhamis.

Rahotonni sun bayyaa cewa, za  a yi jana’ira shehun malamin ne a gidansa da ke Kofar Gombe a cikin garin Bauchi. 

Fitaccen Malamin wanda ya yi fama da jinya ya kuma  kasance wanda ya bayar da gudummawa sosai wajen ci gaban addinin Musulunci a fadin nahiyar Afrika.

Malamin wanda ya kasance jagoran darikar Tijjaniyya na tsawon lokaci, ya rasu ya bar mata huɗu, ‘ya’ya da jikoki sama da ɗari.