Za mu binciko me yada jita-jitar kan rufe asusun Gwamnatin Kano

Gwamnatin jihar Kano ta ce ta fara bin sawun takardar da ke yawo a shafukan sada zumunta cewa wata kotu ta rufe Asusun Gwamnatin Kano.

Komishinan Sharia Kuma Babban lauyan Gwamnatin Kano Barista Haruna Isah Dederi, ne ya bayyana hakan ta cikin wata murya da ya akewa manema labarai.

Wanda ya Kara da cewa “wasu ne ke amfani da wasu dabaru don dauke hankalin masu yiwa Gwamnatin Kano Addu’ar Samun nasara a kotun koli.

Inda ya bukaci al’ummar jihar Kano da su kwantar da hankalin su tare da cigaba da Addu’ar dorewar Gwamnatin Abba Kabir Yusif a jihar Kano dan cigaba da ayukan alkairi.

Rahoton:Abba Isa Muhammad