Za mu goyawa ƙungiyar NARD baya wajen shiga yajin aiki – NMA

Kungiyar likitoci ta ƙasa NMA reshen jihar Kano ta ce, za ta goya baya wajen shiga yajin aiki.

Shugaban ƙungiyar Dakta Usman Ali ne ya bayyana hakan Yayin zantawarsa da Freedom Radio.

Ya ce, ba gudu ba ja da baya wajen ganin sun tsunduma yaji aiki matukar ba a biyawa likitoci masu neman kwarewa bukatun su ba.

Dakta Usman ya kuma ce, matuƙar wa’adin da ƙungiyar NMA ta ɗibarwa gwamnatin tarayya na makwanni uku ya cika ba tare da ta biya buƙatun NARD ba, to kuwa babu shakka za su goya baya wajen tsunduma yajin aiki.

Har ma ya ce, ba iya ƙungiyar NMA ce kaɗai za ta shiga ba, har da ƙwararun likitoci masu aiki a jami’oi.