Za mu rushe duk wani gida da aka gina a kan magudanan ruwa

Gwamnatin tarayya ta ce, za ta fara rushe duk wani gida ko masana’anta da aka gina a kan magudanan ruwa a faɗin ƙasar nan.

Ministan sufuri Rotimi Amaechi ne ya bayyana hakan a birnin tarayya Abuja.

Ya ce, doka bata bai wa gwamnatocin jihohin ƙasar nan ko kuma wasu ɗaiɗaikun mutane damar yin gini a kan magudanan ruwa ko gefen su ba.

Amechi ya ce gwamnati za ta ɗauki matakin rushe duk wani gini da aka yi shi a kan magudanan ruwan.

Ya ce gwamnati za ta yanke hukuncin rushe gidajen da aka kwato waɗanda aka gina a kan magudanan ruwa.