Za a samu hazo a wasu jihohin Nijeriya- NIMET

Hukumar kula da hasashen yanayi ta kasa NIMET, ta ce za’a fuskanci hazo mai cike da kura da kuma kwallewar hasken rana daga yau Asabar zuwa Jibi Litinin.

Wannna na cikin wata sanarwa da hukumar ta fitar, cewar yanayin zai fara tun daga safiyar yau Asabar ne zuwa yammacin jibi Litinin a wasu sassan kasarnan.

Ta cikin Sanawar hukumar ta ce, yanayin hazon zai mamaye jihohin da ke Arewa ta tsakiya da kuma wasu jihohin a kudancin kasar nan da suka hadar da Bayelsa da Rivers da Akwa Ibom da kuma Cross River.

Sanarwa ta shawarci al’umma da su kare kansu daga shakar kurar, kasancewar zata iya zama babbar illar ga lafiya.

Labaran:Aisha Muhammad Yarleman