Zaɓen ƙananan hukumomi: Kar ku zaɓi tumun dare -El-rufa’i

Gwamnan jihar Kaduna Malam Nasir El-rufai ya gargadi al’ummar jihar da kar su zaɓi tumun dare.

El-rufai ya bayyana hakan, a zantawarsa da Freedom Radio jim kaɗan bayan kammala kaɗa kuri’ar sa.

“Duk da an samu matsalar rashin ƙarasawar kayan aiki zuwa wasu mazabun, amma duk da hakan zaɓen na tafiya yadda ya kamata”. A cewar Malam Nasir.

Abin da ya sanya aka ɗage zaɓe a wasu ƙananan hukumomin Kaduna

Gwamnan ya bayyana zaɓen shugabannin ƙananan hukumomi da kansiloli na jihar a matsayin wanda ya zo da sauƙi.