Abin da ya sanya aka ɗage zaɓe a wasu ƙananan hukumomin Kaduna

Hukumar zabe mai zaman kanta ta jihar Kaduna ta dage zaben shugabannin kananan hukumomi da kansiloli.

Shugabar hukumar Saratu Audu ce ta sanar da dage zaben a kananan hukumomin jihar 4.

Ta ce, an dage zaben sakamakon matsalolin tsaro da suka addabi kananan hukomomin.

Hajiya Saratu ta ce kananan hukumomim da abin ya shafa sun hadar da Brinin Gwari, Chikun, Kajuru da Zango Kataf.

A cewar ta, inda za a gudanar da zaben a kananan hukumomin da abin ya shafa a ranar 25 ga Satumbar 2021.