Zamu hukunta jami’an gwamnati da basa karbar allurar Corona – Dr Faisal Shu’ib

Gwamnatin tarayya ta ce zata dau matakin hukunta manyan jami’ai da fitattun al’umma da suka ki yadda ayi musu allurar rigakafin cutar Corona.

Babban daraktan hukumar lafiya a matakin farko na kasa Dr Faisal Shu’aibu ne ya bayyana a wata ganawa da yayi da ‘yan jaridu a birnin tarayya Abuja.

Shu’aibu yace, gwamnatin tarayya zata fito da sabbin tsare -tsare masu dauke da dokokin hukunta duk wani jami’in gwamnati da ya kaucewa kin yi musu rigakafin,kasancewar su jagororin al’umma ne da ake koyi dasu.

Babban jami’in ya kuma tabbatar da cewar kwamitin yaki da cutar Corona, na shugaban kasa zai tabbatar da cewa an samar da wadatacciyar allurar rigakafin ga al’ummar kasa, a kokarin da ake na kawar da cutar a fadin kasar nan.