Zan daure duk Bafulatani da ya kafa kungiyar tsaro a Benue – Samuel Ortom

Gwamnan jihar Benue Samuel Ortom ya ce zai tabbatar duk wani Bafulatani makiyayi da yayi yunkurin kafa kungiyar tsaro ta Vigilante ya daure shi.

Wannan na zuwa ne biyo bayan taron manema labarai da kungiyar Miyetti Allah Kautal Hore ta gudanar a birnin tarayya Abuja kan yadda za a magance matsalolin tsaro a jihar.

Sai dai a martanin sa ta bakin sakataren yada labaran sa Terver Akase, Samuel Ortom ya gargadi kungiyar Fulanin da su kada suyi gaggawar kafa rundunar tsaron Vigilante.

A cewar sa za su yi amfani da wannan damar wajen aiwatar da wasu muggan dabi’u da za su kawo rashin zaman lafiya a sassan jihar.