Zargin murɗiya: Gwamnatin Neja ta dakatar da zaɓen sabon Sarkin Kontagora.

Gwamnan jihar Neja Abubakar Sani Bello, ya yi watsi da naɗin sabon Sarkin Kontagora.

Wannan dai ya biyo bayan ƙarar da wasu ƴan takara 46 suka shigar kan zargin murɗiya da rufa-rufa da aka yi a zaɓen.

Haka zalika gwamnan ya sauke kwamishanan harkokin sarakunan gargajiya Abdulmalim Sarkin-Daji, wanda ake zargi da murdiyan.

Tun a ranar Lahadi, an sanar da babban dan kasuwa Mohammadu Barau-Mu’azu matsayin sabon sarkin Kontagora, bayan samun rinjaye a zaɓen da masu zaɓen sarki 5 suka kaɗa.

Amma daga sanarwar sauran ƴan takara suka fara zanga-zanga inda suka zargi kwamishana sarkin-Daji da rufa-rufa.