Ƙalubale 10 da bangaren ilimi a Kano ke fuskanta

Mai sharhi kan al’amuran ilimi kuma malami a tsangayar ili a jami’ar Bayero da ke nan Kano ya bayyana tsarin ilimi kyauta kuma dole da gwamnatin Kano ta fito da shi a matsayin abinda bai tasiri ba.

Dakta Idris Salisu Rogo ne ya bayyana hakan ta cikin shirin “Duniyar mu a yau” na nan Freedom Radio.

Rago ya ce “tun bayan ayyana tsarin ilimi kyauta shekaru biyu da suka gabata, gaba ɗaya harkar ilimi ta sake lalacewa musamman a matakin Firamare”.

Dakta Rogo ya lisaffa ƙalubale 10 da bangaren ilimi ke fuskanta a jihar Kano kamar haka:

1- Har yanzu gwamnati ba ta san walwalar malaman makaran ta ba.

2- Rashin kayan aiki ga malamai.

3- Rashin kyakyawan muhallin karatu ga ɗalibai da malamai.

4- Rashin tura malamai karo karatu don ƙwarewa.

5- 3 Rashin ɗaga likkafar malamai zuwa mataki na gaba wato Promotion.

6- Rashin kyakyawan albashi.

7- Ɗaukar malamai marasa kwarewa a fannin.

8- Rashin samar da wadatattun malamai a makarantu.

9- Rushe tsarin Zonel Office wanda su ke bibiyar makarantu.

10- Rashin samar da shugabanci mai kyau a makarantu.

Rogo ya ce, matukar aka ci gaba da tsarin bada ilimi kyauta koma dole to kuwa harkokin ilimi zai shiga cikin mawuyacin hali.