Ƙarin mutum guda ya kamu da Corona a Kano

Ma’aikatar lafiya ta jihar Kano ta ce an sami karin mutum guda da ya kamu da Coronavirus a jiya Litinin bayan da aka yiwa mutane 77 gwajin cutar.

Ma’aikatar ta tabbatar da hakan ne ta shafin ta na Twitter, kamar yadda ta saba tana mai cewa a jimlacce dai cutar ta kama mutane dubu 1,743 cikin su kuma dubu 1, 682 sun warke sai guda 54 da suka rasa ransu.

A kasa baki daya kuwa hukumar dakile yaduwar cututtukar ta kasa NCDC ta ce an sami karin mutane 119 cikin jihohi 6 da suka hadar da Lagos da Birnin Tarayya Abuja, Jihar Edo da jihar Oyo nan Kano sai kuma jihar Nasarawa Oyo.

A yanzu haka dai cutar ta kama mutane dubu 62,111 cikin su kuma guda 57,571 sai guda 1,132 da suka rasu a dalilin cutar.