Ƙungiyar ƴan Jarida ta yiwa Doguwa martani kan zargin cin zarafin mambanta

Ƙungiyar Ƴan Jarida ta ƙasa reshen jihar Kano ta nuna damuwarta kan zargin Shugaban masu rinjaye na majalisar tarayya Alhassan Ado Doguwa da cin zarafin wani ɗan jarida a Kano.

Hakan na cikin sanarwar da Sakataren ƙungiyar Comrade Abba Murtala ya fitar.

Sanarwar ta ce, bata ji daɗin yadda Alhassan Ado Doguwa ya muzanta da cin zarafin mambanta Abdullahi Yakubu, wakilin jaridar Leadership lokacin da Doguwan ya kira taron manema labarai a gidansa.

NUJ ta ce, tana fatan tunda lamarin ya je gaban kotu za a yi kyakkyawan bincike tare da ɗaukar matakin da ya dace.

Ta kuma ja hankalin ƴan siyasa kan sun sani ƴan jarida abokan tafiya ne wajen cimma nasarar dimokraɗiyya.

Sanarwar ta kuma ce, mambobinta ba zasu ja da baya ba, za su ci gaba da aikinsu cikin ƙwarewa tare da bin doka da oda.

Labarai masu alaka:

Shugabannin ƙananan hukumomin Kano 44 sun yi Tir da Doguwa

Tasirin Kwankwaso a Kano kaɗai ya ishe mu – Saƙon Doguwa ga Ganduje