Ƴan bindiga sun hallaka wani magidanci da ƴaƴansa a Zamfara

Wasu ƴan bindiga sun hallaka wani magidanci da ƴaƴansa biyu a garin Tsafe da ke jihar Zamfara.

Wani makusancin marigayin ya shaida wa Freedom Radio cewa, ƴan bindigar sun shiga gidan marigayin mai suna Alhaji Sani Kwama inda suka shiga saransa da ƴaƴansa biyu da makamai.

Yanzu haka dai tuni aka yi jana’izar mamatan a ranar Lahadi a babban masallacin Juma’a na masarautar garin Tsafe.

Jihar Zamfara dai na cikin yankunan da ayyukan ƴan bindiga ke ci gaba da ta’azzara a jihohin Arewacin ƙasar nan.