Connect with us

Labarai

Yanzu-yanzu: An yi wani mummunan hatsarin mota a Kano

Published

on

Ana fargabar wani hatsarin mota a Kwanar Dumawa da ke ƙaramar hukumar Minjibir a nan Kano ya haifar da asarar rayuka da jikkata mutane da dama.

Hatsarin ya faru ne da tsakar ranar Lahadi, inda wata babbar mota ƙirar DAF da ta taho daga birnin Kano ta faɗi.

Motar ta danne ƙaramar mota ƙirar Golf da kuma wata motar haya da ke lodi domin zuwa cikin garin Kano.

Sannan lamarin ya rutsa da wasu mutane da ke sana’a a bakin titi.

Labarai masu alaka:

Yadda aka sami asarar rayuka a hatsarin mota a Kano

Mutane 18 sun rasu sanadiyyar hatsarin kwale-kwale

Wani shaidar gani da ido mai suna Bashari Sule Dumawa ya shaida wa Freedom Radio cewa, sun miƙa mutane kusan 25 da lamarin ya rutsa da su zuwa asibitocin Minjibir dana Ɗanbatta.

Mun tuntuɓi jami’in hulɗa da jama’a na hukumar kiyaye afkuwar haɗura ta ƙasa reshen jihar Kano Kabiru Ibrahim Daura wanda ya ce, kawo lokacin bai samu rahoton afkuwar lamarin ba, amma zai bincika.

Mun kuma ƙoƙarin ji daga mai magana da yawun ƴan sandan Kano amma bamu same shi a waya ba.

Shaidun gani da ido sun ce, an shafe sama da awa guda amma babu wasu jami’an bada agaji ko na tsaro da suka zo wurin.

Sai daga baya ne jami’an hukumar KAROTA suka kawo ɗauki, hakan ne ya sanya muka tuntuɓi mai magana da yawun hukumar Nabulisi Abubakar Ƙofar Na’isa.

Ya ce, sun je wurin domin kai ɗauki tare da kawar da motocin da hatsarin ya shafa.

Click to comment

You must be logged in to post a comment Login

Listen Live

Freedom Radio Kano 99.5 FM Your browser does not support the audio element. https://stream.zeno.fm/t8bhnmek8mzuv Freedom Radio Kaduna 92.9 FM Your browser does not support the audio element. https://stream.zeno.fm/5z9v4k7e9mzuv Freedom Radio Dutse 99.5 FM Your browser does not support the audio element. https://stream.zeno.fm/wp75as7e9mzuv Dala FM Kano 88.5 Your browser does not support the audio element. https://stream.zeno.fm/9zdvuszaanzuv

Now Streaming

Copyright © 2019. Freedom Radio Group. All Rights Reserved.

error: Content is protected !!