ɗaliban Bakura: ƴan bindiga sun sanya wa’adi kan sakin ɗaliban

Ƴan bindigar da suka sace ɗaliban kwalejin aikin gona da ke Bakura a jihar Zamfara, sun bukaci a biya su diyya kafin wa’adin awanni 24.

Yan bindigar sun buƙaci gwamnan jihar da ya biyasu kudin fansar da suka bukata kafin cikar wa’adin da suka sanya.

Ta cikin wani faifan bidiyo da suka fitar na sakon talatin, yan bindigar sun yi barazanar hallaka ɗaliban matukar gwamna Matawalle ya gaza bin umarnin da suka bayar.

Idan za’a iya tunawa a makon da daya gabata ne ƴan bindigar suka sace ɗalibai 15 da malamai 4 da kuma direba guda ɗaya.