Nan gaba kaɗan za mu dawo da Twitter – Buhari

Gwamnatin tarayya ta ce nan gaba kadan za a dage dakatarwar da aka yiwa kamfanin kafar sada zumunta na Twitter.

Ministan yaɗa labarai da al’adu Alhaji Lai Muhammad, ne ya bayyana haka ga manema labarai jim kaɗan bayan kammala zaman majalisar zartarwar ta ƙasa.

Ministan ya ƙara da cewa tuni tattaunawa ta yi nisa tsakanin ɓangarorin biyu, wanda ba da dadewa ba za a cimma matsaya ta bai wa kamafnin damar dawo da ayyukan sa a fadin ƙasar.

A baya dai gwamnatin tarayya ta dakatar da kamfanin bisa goge kalaman shugaban Ƙasa Muhammadu Buhari da yayi tare da alaƙanta su da kalaman tayar da hankali da basu dace da tsarin kamfanin ba.