Tinubu zai saka kafar wando daya ga duk wanda zai kawo tarnaki ga tsaron Nijeriya

Shugaban kasar Nijeriya Bola Ahmad Tinubu ya lashi takobin sanya kafar wando daya da duk wanda aka samu da hannu wajen yiwa kokarin da sojojin kasarnan ke yi na magance matsalolin tsaro kafar angulu.

‘Haka kuma ya gargadi rundunonin tsaron kasarnan bisa yadda ake samun yawaitar kaiwa fararen hula hari bisa kuskure, inda ya ce gwamnatin sa ba zata lamunci hakan ba’.

Shugaba Tinubu ya bayyana hakan ne a yammacin jiya Juma’ah, yayin da yake nuna alhinin sa game da hare-haren da yan ta’adda suka kai a baya bayan nan, ciki har da wadda aka kai yankin unguwar Kwari ta karamar hukumar Gaidam a jihar Yobe, da kuma wadda yayi sanadiyyar rasa rayukan yan kasuwa 6 a yankin karamar hukumar Danmusa ta jihar Katsina.

Rahoton: Mukhtar Abdullahi Birnin Kudu