Kiwon Lafiya
Rundunar ‘yan sandan jihar Kano tayi zagaye wuraren da ake aikata laifuka
Rundunar ‘yan sandan jihar Kano tayi zagaye wuraren da ake gudanar da ayyukan bata gari da rashin tsaro suka kamari.
Kwamishinan ‘yan sandan jihar Kano Muhammad Wakili ne ya bayyana hakan yayin zagayen duba maboyar bata gari a yankunan Badawa da Giginyu dake karamar hukumar Nassarawa.
Ya ce rundunar ‘yan sandan jihar Kano tuni ta fito da hanyoyin da zata tsaftace yankunan daga ayyukan bata gari da shan kwayoyi.
Da yake jawabi, jagoran al’ummar yankin Badawa Malam Muhammad Ibrahim Makkawi yace sun jima suna fama da ayyukan masu shaye-shaye miyagun kwayoyi da sauran laifuka.
Al’ummar yankin Badawa dai sun yi kira ga Gwamnati da ta duba yiwuwar gyara musu konanniyar makarantar ‘yan mata ta Badawa duba da koma bayan da rashin gyaran ke iya haifarwa.
