Connect with us

Kiwon Lafiya

Sarkin Muslim ya bukaci gwamnatin tarayya samar da hanyoyin dakili matsalolin siyasa da addinai

Mai alfarma sarkin Musulmi Muhammad Sa’ad Abubakar na III ya bukaci gwamnatin tarayya da ta fito da wasu dabaru na zamani wajen magance matsalolin da ke kunno kai tsakanin bangaren siyasa da kuma na addinai.

 

Sarkin Musulmin ya yi wannan kiran ne a jiya yayin kaddamar da wani littafi mai sahfi 240 da kungiyar da ke rajin ci gaban addinin musulunci ta MURIC ta gabatar jiya a birnin tarayya Abuja.

 

Sarkin musulmin da ya samu wakilicin sarkin Keffi Dr Shehu Chido Yamusa na III ya nuna matukar damuwa kan yadda ake yin amfani da addini wajen al’amuran siyasa, a maimakon yin amfani da shi a matsayin wanzar da zaman lafiya.

 

Sarkin ya kuma bukaci kungiyar ta MURIC da ta ci gaba da yada da’awa a akan addinin musulunci musamman kira kan zaman lafiya da sauran al’amura.

 

A cewar sa nuna banbaci a tsakanin mabiya addinin islama da rashin kwantar da hankalin jama’a a matsayin abin da ke kawo cikas wajen hadin kan yan uwa musulmi

Listen Live

Freedom Radio Kano 99.5 FM Freedom Radio Kaduna 92.9 FM Freedom Radio Dutse 99.5 FM Dala FM Kano 88.5

Now Streaming

Subscribe to Freedom Radio via Email

Enter your email address to subscribe to this site and receive notifications of new posts by email.

Join 328,079 other subscribers.

Copyright © 2019. Freedom Radio Group. All Rights Reserved.

error: Content is protected !!