Connect with us

Labarai

Radiyo ta fi ko wace kafa saukin isar da sako -Dakta Adhama

Published

on

Wani malami a sashen koyar da aikin jarida a jami’ar Bayero da ke Kano Dakta Ibrahim Suraj Adhama, ya bayyana Radiyo a matsayin wata kafa mai matukar muhimmanci wajen sadarwa sakamakon irin rawar da take takawa wajen wayar da kan al’umma da kuma kawo ci gaba.

Malamin ya bayyana haka ne a wani bangare na bikin ranar Radiyo ta duniya wadda take gudana a yau.

Ya ce, sakonni da da ake turawa ta Radiyo suna saurin isa sassa daban-daban cikin kan-kanin lokaci.

Malamin ya kara da cewa, duk da irin wannan zamani da ake ciki wanda kafafen sadarwa na zamani suka yi yawa har yanzu Radiyo tana kan gaba wajen samar da ci gaban al’umma ta hanyar shirye-shiryen da ake gabatarwa musamman bangaren fadakarwa, ilimantarwa tare da nishadantarwa.

Labarai

Jami’an tsaro ku kama duk mai tunzura jama’a-Sarkin musulmi

Published

on

Sarkin Musulmi

Shugaban majalisar koli ta addinin musulunci kuma Sarkin Musulmi Alhaji Muhammad Sa’ad Abubakar, ya bukaci jami’an tsaron  kasar nan da su dauki matakin kama duk wami malamin addini da ke yada kalaman tunzura jama’a.

Alhaji Muhammad Sa’ad Abubakar ya bayyana hakan ne yayin wani taron zaman lafiya da kuma gina kasa, da majalisar Da’awah ta kasa ta shirya a garin Jos babban birnin jihar Plateau.

Ya ce, akwai bukatar a rika gudanar da harkokin addinai ta yadda za a kaucewa tada rikice-rikice.

Matsalolin aure: Sarkin Kano ya bukaci a koma makaranta

Abinda ya sa ban ce komai ba kan batun sanya Hijab a Jamia: Sarkin Musulmi

Sarkin musulmi ya bukaci gwamnatin tarayya ta zage dantse don magance matsalolin tsaro

Alhaji Muhammad Sa’ad Abubakar ya kuma yi kira ga kungiyar Jama’atu Nasril Islam da kungiyar Kiristoci ta kasa CAN da su yi dukkan mai yiwuwa wajen kawo karshen cece-kucen dake faruwa tsakanin mabiya addinan biyu a kafafen yada labarai.

 

Continue Reading

Labarai

Yaki da cin hanci da rashawa bana Buhari ba ne- Ministan Ruwa

Published

on

Ministan Albarkatun Ruwa Injiniya Suleman Adamu ya ce, aikin yaki da cin hanci da rashawa ba na shugaban kasa Muhammadu Buhari ne kadai ba, akwai bukatar suma al’ummar Nijeriya su ba bayar da ta su gudummawar.

Injiniya Sulaiman ya bayyana hakan ne a zantawarsa da shirin Kowane na Gauta na Freedom Kano.

Ya kuma kara da cewa, “Cin hanci da rashawa shi ne ya hana Nijeriya ci gaba, dole mu duba domin ganin me muke yi wajen dakile cin hanci da rashawar.”

 

 

 

 

Continue Reading

Labarai

Al’ummar Tudun Murtala sun koka

Published

on

Gidauniyar cigaban Al’ummar unguwar Tudun Murtala sun yi kira da gwamnatin jihar Kano da ta kawo musu dauki akan hanyar su ta Tudun Murtala sakamakon lalacewar da hanyar tayi.

Shugaban gidauniyar Alhaji Yahaya Bagobiri yace al’ummar suna fama da matsalar hanya da matsalar rashin magudanar ruwa data tashi daga unguwar Gwagwarwa zuwa Tudun Murtala dake karamar hukumar Nassarawa.

Alhaji Yahaya Bagobiri ya bayyana hakan ne a ya yin taron da gidauniyar ta shirya don taya murna ga Sheikh Abdullahi Saleh Pakistan na jami’ar Al’qalam bisa zama Farfesa da yayi.

Labarai masu alaka:

Wasu ‘yan kasuwar Sabon gari sun koka kan yunkurin Uba Zubairu

Inda Ranka: ‘Yan kasuwa sun koka kan biyan harajin wuta mai hasken rana a Kano

Ya ce Sheikh Abdullah Saleh Pakistan ya dade yana bada gudunmuwar ilimin addinin Islama dana zamani a unguwar Tudun Murtala wanda hakan yasa al’ummar unguwar ba zasu taba mantawa da shi ba.

Da yake nasa jawabin a yayin taron Farfesa Abdullahi Saleh Pakistan bayyana farin cikin sa ya yi  bisa karramawar da jami’ar Al’qalam tayi masa da gidauniyar unguwar Tudun Murtala da sauran al’ummar unguwar baki daya.

Wakilin mu Shamsu Da’u Abdullahi ya rawaito cewa al’ummar unguwar sun kira ga masu kudin unguwar da su yi koyi da Sheikh Pakistan kan irin abin da yake yiwa al’ummarsa.

Continue Reading

Now Streaming

Trending

Copyright © 2019. Freedom Radio Group. All Rights Reserved.

error: Content is protected !!