A karo na 2 mun nemi Buhari ya dakatar da shirin daukar ma’aikata – Majalisa

A karo na 2 Majalisar wakilan Najeriya ta neman gwamnatin tarayya da ta dakatar da shirin daukar ma’aikata dubu 774 a fadin kasarnan.

Haka zalika majalisar ta bukaci ma’aikatar kudi ta kasa da ka da ta saki kudaden aiwatar da shirin, inda ta nemi shugaban kasa muhammadu Buhari ya mayar da tsohon shugaban hukumar samar da ayyukanyi ta kasa Nasiru Argungu, da aka sauke kwanan baya.

Majalisar wakilan dai na takun saka da ma’aikatar kwadago da samar da ayyuka, bisa zargin rashin damawa dasu akan daukar ma’aikatan.

Gwamnatin tarayya ta sanar cewa wadanda za a dauka aikin za su fara aiki a ranar 5 ga watan janairun badi.