A na sa ran Man fetur zai yi sauki kamar yadda na iskar gas yayi a yanzu- Mai Kifi

Zauren dillalan man fetur na Nijeriya ya ce, tashin farashin litar mai da aka samu ya shafi harkokin kasuwancinsu fiye da yadda ake tunani.

Shugaban zauren shiyyar Arewa Alhaji Musa Yahya Mai Kifi ne ya bayyana hakan, yayin tattaunawarsa da Freedom Radio.

Alhaji Musa Yahya Mai Kifi ya kuma ce ‘ana sa rai nan gaba a samu saukin tsadar man fetur din a kasar nan, kamar yadda na iskar gas ya sauka.

Mai Kifi ya ce, ‘kamata ya yi gwamnatin tarayya ta samar da hanyoyi da za a bi kafin a janye tallafin man fetur din kai tsaye, ba wai a janye ba tare da samarwa kasar nan hanyar da za’a saukaka musu ba.

Rahoton:Madeena Shehu Hausawa