Abduljabbar zai ci gaba da zama a Gidan gyaran hali

Kotun shari’ar musulunci dake Kofar Kudu karkashin mai shari’a Ibrahim Sarki Yola, taki amincewa da bukatar gwamnatin Kano da Sheikh Abduljabbar kan ranar dawowa ci gaba da sauraron shari’arsu.

Gwamnatin Kano dai ta nemi a bata makwanni hudu domin gabatar da tuhuma a kan Abduljabbar.

A nasa bangaren, Abduljabbar ya bukaci sati biyu kamar yadda lauyansa ya bayyana domin kare kanshi daga tuhumar da gwamnatin ke yi masa.

Biyo bayan kakkausar muhawara kan ranar, kotu dai ta sanya makwanni uku domin ci gaba da sauraron shari’ar.