Yau Laraba za a ci gaba da shari’ar Malam Abduljabbar Kabara

Yau Laraba ne za a ci gaba da sauraron shari’ar Malam Abduljabbar Kabara.

Rahotanni sun ce, tun da sanyin safiya aka rufe hanyar zuwa fadar Sarkin Kano inda Kotun da ake shari’ar ta ke, tare da jibge jami’an tsaro.

An gurfanar da malamin ne a kotun shari’ar Musulunci da ke Ƙofar Kudu, bisa zargin yin kalaman ɓatanci.

A zaman kotun na baya ranar 28 ga watan Yulin da ya gabata, mai shari’a Ibrahim Sarki Yola ya fara sauraron ɓangarorin.

Sannan aka ɗage zuwa yau 18 ga watan Agusta.

Ku ci gaba da bibiyar Freedom Radio domin jin yadda shari’ar za ta kasance.