Abubuwan da suka haddasa bam-bancin farashin litar man fetur a tsakanin Jihohin Najeriya: IPMAN

Kungiyar dillalan man fetur ta Najeriya shiyyar Arewa IPMAN ta alakanta tashin farashin litar mai da yadda mambobin kungiyar ke yin dakon mai daga sassa daban-daban na kasar nan.

Shugaban kungiyar Alhaji Bashir Dan Malam ne ya bayyana hakan a zantawarsa da Freedom Radio a safiyar yau, wadda tattaunawar ta mayar da hankali kan karanci man fetur din da ake fuskanta a yanzu.

Alhaji Bashir Dan Malam ya kuma nuna fagaba kan cewa, akwai yiyuwar tashin farashin litar mai fiye da yadda ake gani a yanzu, matukar gwamnati ta cire tallafin da ta ke baiwa ɓangaren man fetur a ƙasar nan.

Alhaji Bashir Ahmad Dan malam kenan shugaban kungiyar dillalan man fetur ta kasa shiyyar Arewa IPMAN.

Rahoton: Hafsat Abdullahi Danlidi