Adadin masu cutar shawara ya kai sama da dubu 1, 500 a Najeriya – NCDC

Cibiyar dakile yaduwar cututtuka ta kasa NCDC ta ce ya zuwa yanzu, adadin wadanda suka kamu da cutar shawara ta Yellow fever a kasar nan sun tasamma 1, 558.

A cewar NCDC cutar ta yadu ne a kananan hukumomi dari hudu da tamanin da daya da ke fadin kasar, kuma adadin wadanda suka mutu sanadiyar cutar sun kai arba’in da shida.

A jiya juma’a cibiyar tace an samu karin mutane 46 da suka kamu da cutar a kananan hukumomi 14 da ke jihohin Bauchi, Benue da Delta, Ebonyi da Edo, Ekiti Enugu da kuma Oyo.