Connect with us

Labaran Kano

Akwai sauran rina-akaba wajen kakkabe cin hanci a Najeriya- CISLAC

Published

on

Kungiyar CISLAC tace har yanzu akwai sauran rina-akaba kan batun yaki da cin hanci da rashawa da gwamnatin Shugaban kasa  Muhammadu Buhari ke ikararin gwamnati ta himmatu akai domin dakile matsalar.

Kwamared Nura Iro ma’aji na KUNGIYAR CISLAC ne ya bayyana hakan ta cikin shirin Duniyar mu a yau na gidan Radio Freedom daya mayar da hankali kan rahotan da Transparency International ta fitar na karuwar cin hanci da rashawa a Najeriya a makon daya gabata.

Nura Iro Ma’aji ya kara da cewa kamata yayi idan aka fitar da rahoto na karuwar cin hanci da rashawa da kungiyoyi masu zaman kansu keyi ya rika tallafawa gwamnati wajen gudanar da bincike domin gano gaskiyar lamarin bawai su rika musantawa ba.

Hukumomi kadai ba za su iya magance cin hanci da rashawa ba- EFCC

Sai da binciken kwakwaf za’a shawo kan matsalar cin hanci -Anas Aremauyaw

Ministan yada labarai yace gwamnatin Buhari zata yaki cin hanci da rashawa

A nasa bangaren Ambasada Aliyu Lawan Saulawa ta cikin shirin cewa yayi wadannan rahotanni da kungiyoyin ke fitarwa na karuwa cinhanci da rashawa a Najeriya ba komai bane face son zuciya irin tasu da kuma biyan bukatun iyayen gidansu.

 

Wakilin mu Abdulkarim Muhammad Abdulkarim Tukuntawa ya ruwaito dukkannin bakin a cikin shirin sunyi kira ga masu rike da madafin iko akan suji tsoron Allah su kuma daina kwashe dukiyar Al’ummar Najeriya domin bakomai hakan zai jawa kasar nan ba face koma baya ta kowacce fuska.

Listen Live

Freedom Radio Kano 99.5 FM Freedom Radio Kaduna 92.9 FM Freedom Radio Dutse 99.5 FM Dala FM Kano 88.5

Now Streaming

Subscribe to Freedom Radio via Email

Enter your email address to subscribe to this site and receive notifications of new posts by email.

Join 333,191 other subscribers.

Copyright © 2019. Freedom Radio Group. All Rights Reserved.

error: Content is protected !!