Akwai yiwuwar dawo da kuɗin tsaba a Najeriya

Majalisar wakilai ta buƙaci babban bankin ƙasa CBN daya tilasta yin amfani da kuɗaɗen tsaba a Najeriya.

A cewar majalisar yin hakan zai kawo ƙarshen matsalar hauhawan farashin da ake fuskanta na kayan masarufi kuma zai kawo daidaituwar tattalin arziƙi.

Wannan dai ya biyo bayan ƙudurin da ɗan majalisa mai wakiltar Toro ta jihar Bauchi Umar Lawal ya gabatar a zaman majalisar.

Ƙudirin ya kuma buƙaci babban bankin ƙasa CBN ya sanya dokar yin amfani da kudaɗen na tsaba domin farfaɗo da tattalin arziƙi.

Har ma yayi ƙorafin cewa a Najeriya an jima dayin watsi da amfani da kudaɗen tsaba wanda hakan ya haifar da koma baya a tatalin arziƙi da ake gani a yanzu.