Al Sadd ta amince Xavi Hernandes da ya koma horar da tsohuwar kungiyar sa ta Barcelona

Kungiyar kwallon kafa ta Al Sadd dake kasar Qatar, ta ce Barcelona ta biyata dukkanin kudaden da suka kamata, domin daukan mai horar da ‘yan wasan ta kuma tsohon dan wasan na Barcelona Xavi Hernandes a matsayin mai horarwarta.

Hakan na cikin wata sanarwar da kungiyar ta fitar a shafinta na Twitter a yau Juma’a 5 ga watan Nuwambar 2021.

Sanarwar ta ce tuni kungiyar ta Al Sadd ta amince da bukatar Barcelona na daukar mai horar da ‘yan wasan na ta Xavi Hernandes.

Kazalika sanarwar ta ce Xavi tun a kwanakin baya ya sanarwa da kungiyar ta Al Sadd kudurin sa na san zuwa Barcelona duba da  mawuyacin halin da take ciki a halin yanzu wanda hakan yasa ta amince da kudurin nasa.