Buhari zai kashe Naira Miliyon 143 a gyaran filin wasa na Obafemi Awolowo – Sunday Dare

Ma’aikatar matasa da wasanni ta Najeriya ta ce za ta kashe Naira miliyan 143 wajan gyara filin wasa na Obafemi Awolowo dake jihar Ibadan.

Ministan matasa da wasanni Sunday Dare, ne ya bayyana haka a Birnin Tarayya Abuja, yayin da yake zantawa da manema labarai a ranar Alhamis 4 ga watan Nuwambar 2021.

Ya ce “bayanin kashe kudin gyaran yana kunshe a cikin kasafin kudin shekara ta 2022 wanda muka mika ga shugaban kasa Muhammad Buhari”.

Ya kara da cewa suna yawan kai ziyara filin wasan domin ganin halin da filin ke ciki..

To sai dai ministan ya ce akwai filaye da yawa dake buƙatar gyara wanda a sannu za su bi ko wanne domin gyarasu.

A baya-bayan ne dai ministan ya sanar da cewa ana dab da kammala gyaran filin wasan kwallon kafa dake babban birnin tarayyar Abuja.

.