Albarkacin Saudiyya na ke sabinta titin Ahmadu Bello – Ganduje

Gwamna Dr. Abdullahi Umar Ganduje ya ce, albarkacin ƙasar Saudiyya yake sabinta titin Ahmadu Bello da ke Kano.

Gwamnan ya bayyana hakan ne a daren Alhamis, yayin bikin murnar cika shekaru 91 da kafa masarautar Saudiyya da aka gabatar a ɗakin taro na The Afficent da ke Kano.

Ofishin jakadancin Saudiyya a Kano ne ya shirya taron, domin taya ƙasar murnar zagayowar wannan rana.

Gwamna Abdullahi Ganduje ya ce, aikin sabinta titin Ahmadu Bello ana yinsa ne, albarka ofishin jakadancin Saudiyya da ke kan titin.

Ya ci gaba da cewa, akwai daɗaɗɗiyar dangantaka tsakanin jihar Kano da ƙasar Saudiyya tun ba yau ba.