Amurka ta kai mummunan hari a Kabul

Ƙasar Amurka ta kai harin sama a yankin Bughra da ke Kabul babban birnin Afghanistan.

Amurkan ta ce, ta kai wannan hari ne da niyyar riskar wani ɗan ƙunar baƙin wake, da yayi barazanar kai harin Bam a filin jirgin saman ƙasar.

Ma’aikatar tsaron Amurka ce ta bada umarnin kai harin, wanda yayi sanadiyyar hallaka kimanin mutane 90 da sojojin Amurka 13.
Sojojin Amurkan dai na ta ƙoƙarin kwashe mutanensu, kafin cikar wa’adin da Taliban ta basu zuwa gobe Talata, na su tattara ya nasu ya nasu su bar ƙasar.

Wannan dai shi ne, hari na biyu cikin kwanaki uku da Amurka ke kai wa, da niyyar riskar ƴan ƙungiyar ISIS.