Rashin cika alkawari: Za mu sake komawa yajin aiki – ASUU

Ƙungiyar malaman jami’o’i ta ƙasa ASUU ta ce, a shirye ta ke ta sake tafiya yajin aiki.

Shugaban ƙungiyar Farfesa Emmanuel Osodeke ne ya bayyana hakan yayin zantawar da jaridar Punch.

Osodeke ya ce, za su koma yajin aikin ne sakamakon rashin cika alƙawari da gwamnatin tarayya ta yi, bayan sun cimma yarjejeniya da kuma rashin amsa kiraye-kirayen su.

Ba za mu lamunci sabon yunkurin tsunduma yajin aiki da ASUU ke yi ba – Gwamnatin tarayya

Shugaban kungiyar Osodeke ya kua ce, a yanzu ƙungiyar ta bai wa gwamnatin tarayya wa’adin ranar Talata 31 ga watan Agustan da ta cika alƙawuran da suka kulla ko kuma su tsunduma yajin aikin.