An ƙaddamar da makarantar da iyalan marigayi Magaji Ɗanbatta suka buɗe

Iyalan ɗaya daga cikin Dattawan da suka kafa jam’iyyar siyasa ta Nepu a shekarar 1950, Alhaji Magaji Danbatta, sun gina makarantar Naziri da Firamare ga al’umma.

A ranar Asabar ne aka ƙaddamar da makarantar a garin Ɗanbatta a wani taro da ya samu halartar al’ummar gari da masu ruwa da tsaki.

Hajiya Amina Magaji Ɗanbatta ita ta assasa ginin kafin daga baya sauran ƴan uwanta suka bada gudunmawa.

Ta ce “Makarantar ta yi daidai da zamani kuma an gina ta domin ƴaƴan marasa shi”.

Ta ce “Makarantar tana da ajujuwa guda 8 da Ofishin Malamai da na shugaban makaranta da banɗakuna na zamani da kuma wadataccen fili”.

Al’ummar garin sun bayyana farin cikin su, da samar da makarantar.