An kama wata mata bisa zargin satar jariri a Kano

Rundunar ‘yan sandan Kano ta kama matar nan da ake zargi da laifin satar jaririn wata mace a Asibitin Murtala.

Mai magana da yawun rundunar ‘yan sandan jihar DSP Abdullahi Kiyawa ne ya bayyana hakan ga manema labarai a jiya a Kano.

Yace tun bayan samun rahoton sace jaririn suka zuba jami’an su ko ina a Asibitin wanda daga bisani aka kama wadda ake zargin.

Sai dai miji ga matar Saddik Abubakar da ake zargin da hadin bakinsa ta sace jaririn ya musanta zargin.