An gurfanar da kwamishinan shari’a na jihar Kano kan batun Abduljabar

Kungiyar Jama’atul Tajdidul Islam ta gurfanar da Kwamishinan Shari’a kuma atoni Janar na jihar Kano Barista Lawan Abdullahi gaban kotu, tana bukatar kotun da ta tursasa-shi ya gurfanar da Malamin nan Sheikh Abduljabbar Nasir Kabara gaban kotu.

Haka zalika kungiyar ta kuma gurfanar da kwamishinan ‘yan sanda na jihar Kano Sama’ila Shuaibu Dikko sakamakon rashin gurfanar da Malamin.

Kungiyar ta Jama’atul Tajdidul Islam ta dau wannan matakin ne yayin wani taron manema labarai da ta gudanar da safiyar yau anan Kano.