An kaddamar da kwamitin bincike kan zargin badakalar kudi a hukumar NPA – Amaechi

Ministan sufuri Rotimi Amaechi ya kaddamar da kwamitin da zai binciki zargin badakalar kudi da ake yi wa hukumar kula da tashoshin jiragen ruwa ta kasa NPA karkashin Hadiza Bala Usman.

Yayain kaddamarwar, Rotimi Amaechi ya bukaci kwamitin da ya gudanar da aikinsa cikin gaskiya da adalci.

Kwamitin zai kasance karkashin jagorancin Auwalu Sulaiman, daraktan kula da harkokin teku, wanda zai samu tallafin Mr Ben Omogo, daraktan tsare-tsare da ci gaba a ma’aikatar.

Wannan dai na zuwa ne a daidai lokacin da majalisar wakilai ke kira ga EFCC da ta bincika lamarin, kamar yadda shugaban marasa rinjaye na majalisar Ndudi Elumelu ya bukata.