Gwamnatin tarayya ta ware ranakun hutun karamar Sallah

Gwamnatin tarayya ta ayyana ranakun laraba da kuma alhamis masu zuwa a matsayin ranakun hutun bukukuwan karamar salla.

Ministan harkokin cikin gida Ra’uf Aregbesola ne ya sanar da hakan yau a Abuja a madadin gwamnatin tarayya.

Sannan ya taya al’ummar musulmi murna da fatan gudanar da bukukuwan sallar bana cikin kwanciyar hankali da lumana.

Wata sanarwa mai dauke da sa hannun babban sakatare a ma’aikatar harkokin cikin gida Dr Shu’aib Belgore, ta bukaci al’ummar musulmi su yi wa kasar nan addu’ar samun zaman lafiya.