An kashe shuguban ƙungiyar ISWAP Abu Musab Al-Barnawi

Rahotanni sun ce an kashe shugabann kungiyar ISWAP Abu Musab Al-Barnawi a Jihar Borno, ɗaya daga cikin kungiyoyin dake kai munanan hare-hare suna kashe jama’a a yankin Tafkin Chadi.

Bayanan sun ce an kashe Abu Musab Al-Barnawi ne, a ƙarshen watan Agustan da ya gabata kamar yadda wasu majiyoyi suka tabbatar.

Wasu rahotanni masu karo da juna sun nuna cewa, sojojin Najeriya ne suka kashe shi, yayin da wasu majiyoyi kuma ke cewa a rikicin cikin gida ya mutu.

Ya zuwa yanzu dai, sojojin Najeriya basu sanar da kashe shugaban na kungiyar ISWAP ba, kamar yadda shafin rfi ya rawaito.

Al-Barnawi ɗa ne ga Muhammadu Yusuf, mutumin da ya kafa kungiyar boko haram kafin jami’an tsaron Najeriya su kashe shi a shekarar 2009 lokacin da ya kaddamar da yaki akan su, abinda yayi sanadiyar mutuwar akalla mutane sama da dubu guda a lokacin.