An sake ɗage shari’ar Ɗan ƙasar Chinan da ake zargi da kisan Ummita

Kotu a Kano ta sake ɗage shari’ar zargin kisan matashiyar na Ummita da ake yiwa wani Ɗan China zuwa ranakun 19, 20 da 21 na watan Disamba mai zuwa.

A zaman Babbar Kotun jihar Kano na yau, lauyoyin Gwamnati sun ci gaba da gabatar da shaidu.

Jami’in Ɗan Sanda Insfekta Ijuptil Mbambu shi ne shaidar da aka gabatar inda ya bayyanawa kotu takardar da suka dauki bayanan Ɗan Chinan lokacin da suke bincke.

Takardar ta ƙunshi kuɗaɗe da hidindimun da Ɗan Canan ya ce ya yiwa marigayiyar.