An samu raguwar hauhawar farashi da kaso 14 – NBS

Hukumar ƙididdiga ta ƙasa, NBS, ta ce hauhawar farashin kayayyaki a kasar nan ta ragu zuwa kashi 14.63 cikin ɗari a watan Satumbar 2026, daga kashi 15.39 da aka samu a watan Agusta.

Hukumar ta bayyana hakan ne a cikin rahotonta na ma’aunin farashin kayayyaki, wato Consumer Price Index, wanda ta fitar a Alhamis din nan.

Rahoton ya ce, Raguwar na nuna cewa hauhawar farashin kayayyaki ta ragu a watan Satumba, duk da cewa hakan ba ya nufin farashin kayayyakin da ake saye a kasuwanni ya koma ƙasa kai tsaye.

Wannan na nufin cewa raguwar hauhawar farashi ba lallai ta kawo sauƙi ga masu ƙaramin ƙarfi ba, musamman waɗanda kuɗaɗen shigarsu ba su ƙaru ba, yayin da suke fuskantar tsadar abinci da sauran buƙatun yau da kullum.