An sanya ranar rubutu jarrabawar Common Entrance

Gwamnatin tarayya ta ce a ta sanya ranar 17 ga watan Okotoba a matsayin ranar da ‘yan aji shida na firamare za su rubutu jarrabawar Common Entrance a sassan kasar nan.

Wannan na kunshe cikin sanarwar da daraktan yada labarai na ma’aikatar ilimi ta kasa Ben Goong ya fitar a jiya Laraba.

Ta cikin sanarwar karamin ministan ilimi Emeka Nwajiuba ya ce jarrabawar wacce ake yin ta a rana guda zai baiwa dalibai damar shiga makarantun hadaka takasa da sauran makarantu na gwamnati da masu zaman kan su a bana.

Akan haka ne ministan ya umarci dukkanin hukumomin shirya jarrabawa da su tsara jadawalin su nan da kwanaki 7 kafin fara jarrabawar.